KƏNKAN PEŞƏSİNƏ YENƏ EHTİYAC VAR
Tovuz rayonunun Aşağı Quşçu kəndində əsrin əvvəllərində qazılmış, baxımsızlıq üzündən sonralar sıradan çıxmış kəhrizi bu kəndin sakini, iş adamı İlham Sadıqov şəxsi vəsaiti hesabına bərpa etdirmiş və həmyerlilərinin istifadəsinə vermişdir.
Rayonun kəndlərində suyu qurumuş çoxlu belə kəhrizə ikinci həyat verən, ömrünün yarım əsrini bu işə həsr edən nadir peşə sahibi 75 yaşlı təcrübəli kənkan Alı Mustafayev deyir:
-Yerin altında, qaranlıq, darısqal lağımda işləmək, kəhrizi lil və qum çöküntülərindən təmizləmək, onun tutulmuş “gözünü” açmaq ağır zəhmət tələb edən işdir. Amma kəhrizin sərin, saf suyundan içənlərdən “ömrün su kimi uzun olsun!” sözlərini eşidəndə, yerin altında keçirdiyim çətin anları unuduram. Bu peşəni seçməyimə peşman deyiləm, onu gənclərə də öyrətməyi özümə borc bilirəm. Saf su mənbələrini qorumaq, onu gələcək nəsillərə çatdırmaq üçün bu sənəti yaşatmalıyıq.
Bölmənin digər xəbərləri
