Kəpəz rayon məhkəməsinin binası əsaslı təmirdən sonra istifadəyə verilmişdir
Gəncə, 9 may (AZƏRTAC). Gəncədəki Kəpəz rayon məhkəməsinin binası əsaslı təmirdən və yenidənqurmadan sonra istifadəyə verilmişdir.
AZƏRTAC xəbər verir ki, açılış mərasimində Gəncə apelyasiya məhkəməsinin sədri Rafiq Məmmədov, ədliyyə nazirinin müavini Vilayət Zahirov, Gəncə Şəhər İcra Hakimiyyətinin başçısı Elmar Vəliyev və Kəpəz rayon məhkəməsinin sədri Vəli Abdullayev çıxış edərək əsası ümummilli liderimiz Heydər Əliyev tərəfindən qoyulan və Prezident İlham Əliyev tərəfindən daha da təkmilləşdirilən məhkəmə islahatlarının verdiyi bəhrələrdən danışmış, kollektivi belə gözəl və yaraşıqlı, eləcə də hər bir şəraitlə təmin olunmuş binaya köçmələri münasibətilə təbrik etmişlər.
Sonra açılışı bildirən rəmzi lent kəsilmiş, tədbir iştirakçıları binada yaradılmış şəraitlə tanış olmuşlar.
Bölmənin digər xəbərləri
