Kinematoqrafçılar İttifaqının idarə heyətinin növbəti iclası keçirilib

01.02.2018 [16:52]
Çap et
A⁺ A^-

Bakı, 1 fevral, AZƏRTAC

Azərbaycan Respublikası Kinematoqrafçılar İttifaqının idarə heyətinin növbəti iclası keçirilib.

AZƏRTAC-a ittifaqın mətbuat xidmətindən verilən məlumata görə, iclasda qurumun sədri, Xalq Artisti, professor Şəfiqə Məmmədova, birinci katib Əməkdar İncəsənət Xadimi Cəmil Quliyev, Xalq artistləri Eldar Quliyev, Oqtay Mirqasım, Vaqif Mustafayev, Siyavuş Kərimi, Əməkdar İncəsənət Xadimi Ayaz Salayev, “Nərimanfilm” kinostudiyasının rəhbəri Nəriman Məmmədov, “Azərbaycanfilm” kinostudiyasının direktoru, Əməkdar İncəsənət Xadimi Müşfiq Hətəmov, “Azərbaycan Televiziya və Radio Verilişləri” Qapalı Səhmdar Cəmiyyətinin dizayn studiyasının rəhbəri, kinorejissor Yusif Quliyev iştirak ediblər.

İclasda Azərbaycan kinosunun 120 illik yubileyinə həsr olunmuş tədbirlər planı təsdiq edilib və gündəlikdə duran digər məsələlər müzakirə olunub.