Kiotodakı anime studiyasında yanğın nəticəsində 13 nəfər həyatını itirib
Tokio, 18 iyul, AZƏRTAC
Yaponiyanın qərbindəki Kioto şəhərində yerləşən anime istehsalı üzrə studiyada baş verən yanğından sonra xilasedicilər 13 cəsəd aşkar ediblər.
AZƏRTAC xəbər verir ki, bu barədə Kyodo agentliyi məlumat yayıb.
Yanğının qəsdən törədildiyi ehtimal olunur. Hadisə yerinə gələn polis studiyada benzin və ya kerosin tökməklə alovun gücünü artırmağa çalışan 41 yaşlı kişini saxlayıb. Saxlanılan şəxsin özü də xəsarət aldığından hazırda xəstəxanaya yerləşdirilib.
Videoya keçid.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
