KİPR PREZİDENTİ: TÜRKİYƏNİN AVROPA BİRLİYİNƏ İNTEQRASİYASI QİTƏ ÖLKƏLƏRİNƏ FAYDA GƏTİRƏCƏK

16.11.2005 [20:55]
Çap et
A⁺ A^-

Türkiyənin Avropa Birliyinə inteqrasiyası qitənin bütün ölkələrinə fayda gətirəcəkdir, lakin Ankara AB, onun üzvləri və Kipr qarşısında bütün öhdəliklərini yerinə yetirməyə hazır və qadir olduğunu işdə sübut etməlidir. AZƏRTAC İTAR-TASS-a istinadla xəbər verir ki, bunu noyabrın 16-da Nikosiyada mətbuat konfransında Kipr Respublikasının Prezidenti Tassos Papadopulos bildirmişdir.

Kipr yunanlarının lideri demişdir: “Kipr Respublikası Avropa Birliyi-Türkiyə danışıqları çərçivəsində işi davam etdirəcəkdir. Biz ümidvarıq ki, Türkiyə danışıqlar prosesi zamanı və sonra Avropa Birliyi çərçivəsində də etibarlı tərəfdaş olacaqdır”.

Papadopulosun fikrincə, “belə bir vəziyyət ağlasığmazdır ki, Avropa Birliyinə qoşulmaq istəyən Türkiyə kimi dövlət bu ittifaqın tamhüquqlu üzvünü - Kipr Respublikasını tanımaqdan nümayişkaranə boyun qaçırır və öz qoşunlarını Kiprdə intəhasız saxlamaqda israr edir”.

Xatırladaq ki, Ankara ilə Nikosiya arasında diplomatik münasibətlər 1974-cü ildə kəsilmişdir və Avropa Birliyinin nümayəndələri Türkiyənin Kipr Respublikasının diplomatik statusunu AB-yə inteqrasiyaya qədər tanımasını təkid edirlər.

KİPR PREZİDENTİ: TÜRKİYƏNİN AVROPA BİRLİYİNƏ İNTEQRASİYASI QİTƏ ÖLKƏLƏRİNƏ FAYDA GƏTİRƏCƏK

MÜƏLLİFLƏ ƏLAQƏ

Bölmənin digər xəbərləri