Kiyevdə koronavirus testi ilə bağlı saxta sənəd verən laboratoriyalar aşkarlanıb
Kiyev, 1 may, AZƏRTAC
Ukrayna Təhlükəsizlik Xidməti (UTX) koronavirus testi ilə bağlı saxta sənəd verən laboratoriyalar aşkarlayıb.
AZƏRTAC UTX-nin saytına istinadla xəbər verir ki, aparılan araşdırmalar zamanı Kiyevdə 4 laboratoriyada koronavirus testi ilə bağlı saxta sənədlərin verilməsi müəyyənləşib.
Həmin özəl laboratoriyalar bir şirkət tərəfindən idarə olunub. Saxta koronavirus sənədinin biri 1000 qrivnaya verilib. Axtarışlar zamanı saxta sənədlər müəyyən edilib.
Faktla bağlı cinayət işi açılıb, əməliyyat-axtarış tədbirləri davam etdirilir.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
