KOMİSSİYA BASMAN BAZARININ DAMININ ÇÖKMƏSİNİN SƏBƏBLƏRİNİ MÜƏYYƏNLƏŞDİRƏ BİLMƏMİŞDİR

11.04.2006 [17:19]
Çap et
A⁺ A^-

AZƏRTAC “Novosti” agentliyinə istinadla xəbər verir ki, Moskva hökumətinin Basman bazarının damının çökməsi səbəblərini araşdırmaq məqsədi ilə yaratdığı komissiya hələ bir-iki həftə işləməli olacaqdır. Hazırda komissiya əlavə materialları öyrənir.

Bundan əvvəl komissiya öz işini və damın çökməsi səbəbləri ilə əlaqədar son rəyi açıqlamağı martın 30-dək başa çatdırmağı nəzərdə tuturdu. Bunu Şəhərsalma Departamenti başçısının birinci müavini, komissiyanın sədri Aleksandr Kosovan bildirmişdi.

Lakin Kosovanın martın 23-də açıqladığı komissiyanın ilkin məlumatına əsasən, Basman bazarının damının çökməsinə binaya kifayət qədər texniki xidmət göstərilməməsi səbəb olmuşdur. O demişdir: “Zənnimizcə, dam örtüyündə hidroizolyasiyanın pozulması nəticəsində dayaq qurğuları korroziyaya məruz qalmış, buraz qırılmışdır”.

Xatırladaq ki, Basman bazarının damı fevralın 23-də çökmüş, nəticədə 66 adam həlak olmuşdu. Həlak olanların əksəriyyəti həmvətənlərimiz idi.