KOMPYUTER PROQRAMLARI İLƏ ƏLAQƏDAR İŞ YERLƏRİ ARTACAQDIR
İDC beynəlxalq analitik agentliyinin tədqiqatlarına əsasən 2011-ci ilədək kompyuter proqramları ilə əlaqədar dünyada iş yerləri artacaqdır. Proqnoza görə Azərbaycan dünya ölkələri arasında birinci yerdə olacaqdır.
Bu barədə rabitə və informasiya texnologiyaları naziri Əli Abbasov AZƏRTAC-a bildirmişdir ki, həqiqətən də bu gün Azərbaycanda belə bir tendensiya müşahidə olunur. Ölkəmizdə proqram təminatına, proqramlaşdırma dillərinə, informasiya texnologiyalarına olan diqqət artmaqdadır. Azərbaycanda enerji sektorundan sonra informasiya texnologiyaları sahəsi prioritet sahə elan olunmuş və bu istiqamətdə hökumət tərəfindən məqsədyönlü işlər aparılır.
Bölmənin digər xəbərləri
