Kompyuter və digər elektron avadanlıqların istehsalı 98,6 faiz artıb
Bakı, 22 noyabr, AZƏRTAC
Bu ilin yanvar-oktyabr aylarında Azərbaycanda kompyuter, elektron və optik məhsulların, elektrik avadanlıqlarının istehsalının həcmi 143,9 milyon manat olub.
Dövlət Statistika Komitəsindən AZƏRTAC-a bildirilib ki, əvvəlki ilin 10 ayı ilə müqayisədə kompyuter və digər elektron avadanlığın istehsalı 98,6 faiz, elektrik avadanlıqlarının istehsalı isə 11,7 faiz artıb. On ay ərzində əvvəlki ilin müvafiq dövrü ilə müqayisədə güc transformatorlarının istehsalı 4,3 dəfə, 1 kilovatdan çox gərginlik üçün elektrik cərəyanı naqillərinin istehsalı 8,2 dəfə artıb. Bundan əlavə, cari ildə peyk antenalarının istehsalına başlanılıb və ötən 10 ayda 2,5 min antena istehsal olunub.
Bölmənin digər xəbərləri
