Koreya Respublikasının qiymətli kağızlar bazarı təcrübələrinin Azərbaycanda tətbiqi müzakirə edilib
Bakı, 29 yanvar, AZƏRTAC
Koreya Respublikasının qiymətli kağızlar bazarı ilə bağlı təcrübələrinin Azərbaycanda tətbiqi imkanları müzakirə olunub.
Milli Depozit Mərkəzindən (MDM) AZƏRTAC-a bildirilib ki, MDM-də Koreya Respublikasının İqtisadiyyat və Maliyyə Nazirliyi tərəfindən həyata keçirilən və əsas icraçısı Koreya İnkişaf İnstitutu olan "Bilik Mübadiləsi Proqramı" çərçivəsində bu ölkənin nümayəndə heyəti ilə görüş keçirilib. Görüşdə Koreya qiymətli kağızlar bazarı ilə bağlı təcrübələr bölüşülüb və bu təcrübələrin Azərbaycanda tətbiqi imkanları geniş müzakirə olunub. Koreyalı ekspertlərlə müzakirələrdə əsas diqqət Azərbaycanda qiymətli kağızlarla əqdlər üzrə klirinq və hesablaşmaların mövcud vəziyyəti, bu sistemin təkmilləşdirilməsi üzrə görüləcək işlər, tövsiyələrə yönəldilib.
Bölmənin digər xəbərləri
