KORSİKADA TERROR AKTI TÖRƏDİLMİŞDİR
AZƏRTAC-ın xüsusi müxbiri xəbər verir ki, iyulun 13-dən 14-nə keçən gecə Korsikanın cənubunda yerləşən Ajaççio şəhərindəki Veolia şirkətlər qrupu filialının yerləşdiyi binada terror aktı törədilmişdir. Binanın girəcəyində hər biri 10 kiloqramlıq iki partlayıcı qurğudan birinin partlaması binada böyük dağıntılar törətmişdir. Mütəxəssislər binaya külli miqdarda zərər dəydiyini bildirmişlər. Xoşbəxtlikdən hadisə gecə baş verdiyindən xəsarət alan olmamışdır.
Hadisə yerinə gəlmiş Korsika daxili təhlükəsizlik qüvvələrinin məsul nümayəndəsi güclü dağıdıcı qüvvəyə malik ikinci qurğunun işə düşəcəyi təqdirdə binadan əsər-əlamət qalmayacağını qeyd etmişdir.
Hələlik heç bir təşkilat terror aktını öz boynuna götürməmişdir.
Terror aksiyası ilə bağlı cinayət işi qaldırılmışdır.
Bölmənin digər xəbərləri
