K.RAYS TBİLİSİDƏ PREZİDENT M.SAAKAŞVİLİ İLƏ DANIŞIQLAR APARMIŞDIR
AZƏRTAC-ın xüsusi müxbiri xəbər verir ki, ABŞ dövlət katibi Kondoliza Rays avqustun 15-də Tbilisiyə gəlmişdir. Prezident M.Saakaşvili ilə beş saatadək davam edən danışıqlardan sonra keçirilən brifinqdə xanım Rays demişdir ki, mən ABŞ Prezidentinin tapşırığı ilə gəlmişəm. Biz Gürcüstanın müstəqilliyini, ərazi bütövlüyünü, demokratik yolla seçilmiş iqtidarını dəstəkləyirik. Gürcüstandan Rusiya qoşunları çıxarılmalı, beynəlxalq müşahidəçilərin sayı artırılmalıdır. ATƏT müşahidəçilərini artırmaq niyyətindədir. Gürcüstan 6 bənddən ibarət müqaviləyə tərəfdardır. İlk növbədə atəşkəsə nail olub, bərpa işlərinə başlanmalıdır. Biz iqtisadi yardım zərfinin hazırlanmasına çalışmalıyıq ki, Gürcüstan dirçəlsin.
Bölmənin digər xəbərləri
