Kredit ittifaqları üçün maarifləndirmə tədbiri keçirilib
Bakı, 15 noyabr, AZƏRTAC
“Daşınar Əmlakın Yüklülüyünün Dövlət Reyestrinin iş prinsipi və faydaları” barədə ölkədə fəaliyyət göstərən kredit ittifaqları üçün noyabrın 15-də maarifləndirmə tədbiri keçirilib.
AZƏRTAC Mərkəzi Banka istinadla xəbər verir ki, maliyyə resurslarına çıxış imkanlarının genişləndirilməsində daşınar əmlaka əsaslanan kreditləşmə üzrə müasir infrastrukturda qurulmuş elektron Reyestrin (https://mpcr.e-cbar.az ) üstünlükləri, eyni zamanda, girovatutma yönəldilməsinin asanlaşdırılması mövzusunda iştirakçılara təqdimat keçirilib və qarşılıqlı müzakirələr aparılıb. Ölkədə əhalinin və biznes subyektlərinin maliyyə resurslarına çıxışının asanlaşdırılması və yeni maliyyə alətlərindən geniş istifadənin təmin edilməsi məqsədilə Mərkəzi Bank tərəfindən bu mövzuda görüşlərin davamlı olaraq keçirilməsi planlaşdırılır.
Bölmənin digər xəbərləri
