KRIMDA H5N1 VİRUSUNDAN TƏLƏF OLMUŞ QUŞLARIN MƏHV EDİLMƏSİNƏ BAŞLANMIŞDIR
AZƏRTAC-ın xüsusi müxbiri xəbər verir ki, Krım Muxtar Respublikasının (Ukrayna) Rovnoye kəndindəki quşçuluq təsərrüfatında yüksək patogen H5N1 virusundan tələf olmuş quşların məhv edilməsinə başlanmışdır. Fövqəladə Hallar Nazirliyinin informasiyasına görə, yanvarın 18-də 200-dən çox toyuğun tələf olduğu aşkara çıxarılmışdır.
Hazırda təsərrüfatın ərazisi mexaniki çiləyicilərin köməyi ilə dərmanlanır. FHN-nin əməkdaşları vilayətin baytarlıq xidməti və Səhiyyə Nazirliyi nümayəndələri ilə birlikdə xəstə quşların erkən aşkarlanması və sakinlərin sağlamlıq durumunun yoxlanılması üçün monitorinq keçirir, əhali arasında izahat işi aparırlar.
Bölmənin digər xəbərləri
