KUKLA TEATRININ TƏMİRİ BAŞA ÇATMIŞDIR
Yeni teatr mövsümünün açılışı ərəfəsində Abdulla Şaiq adına Kukla Teatrının əsaslı təmiri başa çatdırılmışdır.
Təmir işləri zamanı teatrın neçə ildən bəri bərbad vəziyyətdə olan damı dəyişdirilmiş, Toğrul Nərimanbəyovun pannosu bərpa edilmiş, bütün otaqlarda səliqə-sahman yaradılmışdır. İndi teatrın bütün daxili görkəmi göz oxşayır.
Bundan əlavə, isitmə və sərinləşdirmə, habelə səs və işıq tərtibatı sistemləri təzələnmişdir. Teatrda yeni mövsümü gələn həftə açmaq nəzərdə tutulur.
Açılış mərasiminə çoxlu uşaq dəvət olunacaqdır.
Bölmənin digər xəbərləri
