“KUKLALAR” FİLMİNİN İSTEHSALI BAŞA ÇATMAQ ÜZRƏDİR
AZƏRTAC xəbər verir ki, Mədəniyyət və Turizm Nazirliyinin dəstəyi ilə çəkilən “Kuklalar” filminin istehsalı artıq başa çatmaq üzrədir. “Sınaqfilm” Prodüser Mərkəzində lentə alınan film həm mövzu, həm də aktyor və rejissor işi baxımından yüksək səviyyədə çəkilmişdir.
Filmdə baş verənlər 1989-1990-cı illəri əhatə edir. Gənclərin taleyindən danışan yeni ekran əsərində baş rolları 6 qız və 6 oğlan oynayır. Onlardan yalnız biri peşəkar aktrisadır. Digərləri isə, tələbə və orta məktəbi yeni bitirmiş gənclərdir.
Filmin qəhrəmanı məktəbi başa vurduqdan sonra ali təhsil dalınca getmir, ailəsini dolandırmaq üçün Milli Parkda kuklalarla işləmək məcburiyyətində qalır. Hadisələr də əsasən burada cərəyan edir.
Filmin ssenari müəllifləri Ramiz Fətəliyev və Çingiz Rəsulzadədir.
Sentyabrda premyerası nəzərdə tutulan filmin quruluşçu rejissoru Çingiz Rəsulzadədir.
Bölmənin digər xəbərləri
