Kür çayının Bankə məntəqəsində suyun səviyyəsi 15 santimetr artıb
Bakı, 3 sentyabr, AZƏRTAC
Sentyabrın 3-də Kiçik Qafqazın ərazisindən axan Zəyəmçay-Ağbaşlar məntəqəsində suyun səviyyəsi 1 santimetr azalıb, Gəncəçay-Zurnabad və Kürəkçay-Çaykənd məntəqələrində, o cümlədən Böyük Qafqazın ərazisindən axan Vəlvələçay-Təngəaltı və Lənkəran-Astara bölgəsindən axan Viləşçay-Şıxlar məntəqəsində suyun səviyyəsində dəyişiklik qeydə alınmayıb. Lənkərançay-Sifidor məntəqəsində suyun səviyyəsi 1 santimetr azalma, Təngərüdçay-Vaqo məntəqəsində isə 1 santimetr artım müşahidə olunub.
Ekologiya və Təbii Sərvətlər Nazirliyinin Milli Hidrometeorologiya Xidmətindən AZƏRTAC-a verilən məlumata görə, Kür çayının Qıraq Kəsəmən məntəqəsində suyun səviyyəsində dəyişiklik qeydə alınmayıb. Hazırda məntəqədə su sərfi saniyədə 78 kubmetr təşkil edir. Bu da ongünlük normanın 64 faizinə bərabərdir.
Qanıx çayının Cəlayir məntəqəsində suyun səviyyəsi 1 santimetr azalıb. Hazırda məntəqədə su sərfi 4 kubmetr/santimetr təşkil edir ki, bu da ongünlük normanın 6 faizinə bərabərdir.
Kür-Surra məntəqəsində suyun səviyyəsi 3 santimetr azalaraq 283 santimetr, su sərfi isə 59 kubmetr/saniyə olub. Kür-Şirvanda suyun səviyyəsi 2 santimetr artaraq 91, Kür-Bankədə suyun səviyyəsi 15 santimetr artaraq 125, Araz-Novruzluda isə dəyişməyərək 56 santimetr təşkil edib.
Bölmənin digər xəbərləri
