“KÜR” FOTOKÖŞKLƏRİN SATIŞINI TƏŞKİL EDİR
Azərbaycanın “Kür” elektron avadanlıqları istehsalçısı (EAİ) fotoköşklərin satışını təşkil edir. Təklif olunan fotoköşklər sürətlə inkişaf edən rəqəmsal şəkillər bazarının perspektivli sahəsinə aiddir.
Müəssisədən AZƏRTAC-a bildirmişlər ki, sifarişdən asılı olaraq, fotoköşklər 10x15, 13x18, 15x23 sm ölçüdə printer və kağızla təmin olunaraq yüksək keyfiyyətli çap funksiyasına malikdir. Proqram təminatı şəkilləri yenidən redaktə etməyə, original və yenidən redaktə olunmuş şəkillərin CD disklərdə saxlanmasına imkan verir. Köşk xırda pul qəbul edən, çek verən və digər printerlərlə təchiz edilmişdir. Həmçinin rəqəmsal daşıyıcılardan şəkil çapına uzaq məntəqədən sifariş qəbuletmə keyfiyyətinə malikdir.
“Kür” EAİ MMC Azərbaycanda ən iri kompyuter texnikası istehsalçıdır.
Bölmənin digər xəbərləri
