KÜRDƏMİRDƏ HEYVANDARLIQ MƏHSULLARI İSTEHSALI ARTIR

11.10.2005 [12:27]
Çap et
A⁺ A^-

Kürdəmir rayonunda heyvandarlığın inkişafına lazımi şərait yaradıldığı üçün mal-qaranın baş sayı, bunun nəticəsində isə heyvandarlıq məhsulları istehsalı ildən-ilə artır.

Rayon icra hakimiyyətindən AZƏRTAC-a bildirmişlər ki, ötən illə müqayisədə bu il inək və camışların sayı 1038 baş, qoyun-keçinin sayı 3 min 828 baş, quşların sayı 36 min 239 baş artmışdır. Bunun nəticəsində isə 2005-ci ilin əvvəlindən bəri 2 min 120 ton (keçən ilin müvafiq dövründəkindən 42 ton çox) ət, 13 min 381 ton (198 ton çox) süd, 6 milyard 630 milyon ədəd (164 milyon ədəd çox) yumurta, 180 ton (4 ton çox) yun istehsal edilmişdir.

Xatırladaq ki, bu ildən rayonda donuzçuluğu inkişaf etdirmək qərara alınmışdır və hələlik 120 baş donuz saxlanılır.