LAHIC QƏSƏBƏSİNDƏ TURİZM İNFORMASİYA MƏRKƏZİNİN NÜMAYƏNDƏLİYİ YARADILIR

19.04.2004 [01:02]
Çap et
A⁺ A^-

İsmayıllı rayonu respublikamızın turizm potensialı yüksək olan bölgələrindəndir. Rayonun zəngin flora və faunaya malik qədim yaşayış məntəqəsi olan Lahıc qəsəbəsi bu gün də qonaqlarını heyrətə gətirən görünüşü, yerli sakinlərin hazırladığı sənət nümunələri ilə məşhurdur. Qəsəbənin yaşı dəqiq bilinməyən yeraltı kanalizasiya sistemi bu gün də mütəxəssislər üçün sirr olaraq qalır.

Lahıc qəsəbəsi nəinki ölkəmiz, habelə xarici turizm üçün də gözəl və əlverişli diyardır. Bunu nəzərə alaraq hazırda qəsəbədə turizm informasiya mərkəzinin nümayəndəliyi yaradılır.

İsmayıllı rayon Gənclər, İdman və Turizm idarəsinin rəisi Rüstəm Səmədov AZƏRTAC-ın müxbirinə bildirmişdir ki, bu məqsədlə ofis ayrılmış, direktor təyin edilmişdir. Hazırda nümayəndəliyin lazımi avadanlıqla təchiz edilməsi istiqamətində tədbirlər görülür.

Turizm informasiya mərkəzinin nümayəndəliyi ərazinin turizm potensailını daha ətraflı öyrənmək, bununla əlaqədar hərtərəfli informasiya toplamaq sahəsində fəaliyyətə başlamışdır.

LAHIC QƏSƏBƏSİNDƏ TURİZM İNFORMASİYA MƏRKƏZİNİN NÜMAYƏNDƏLİYİ YARADILIR

MÜƏLLİFLƏ ƏLAQƏ