Lənkəran şəhər sakinlərindən narkotik vasitələr aşkar edilərək götürülüb
Bakı, 12 iyul, AZƏRTAC
Lənkəran Şəhər-Rayon Polis Şöbəsinin əməkdaşlarının daxil olmuş məlumat əsasında keçirdikləri əməliyyat tədbirləri nəticəsində şəhər sakini, əvvəllər məhkum olunmuş F.Fərəcov saxlanılıb.
Daxili İşlər Nazirliyinin mətbuat xidmətindən AZƏRTAC-a bildiriblər ki, axtarış zamanı ondan heroin və metamfetamin aşkar edilib. Davam etdirilən tədbirlərlə narkotik vasitəni ona satmaqda şübhəli bilinən F.Həmdəmov da müəyyənləşdirilərək saxlanılıb. Onun yaşadığı evə baxış zamanı oradan 1 kiloqram 30 qram heroin, 1 kiloqram 15 qram metamfetamin aşkar edilərək götürülüb. Həmçinin orada olan həmyerliləri, əvvəllər məhkum edilmiş R.Səfərovdan və S.Seyfullayevdən də heroin və metamfetamin götürülüb.
Faktla bağlı araşdırma aparılır.
Bölmənin digər xəbərləri
