LƏNKƏRANDA YAŞLI NƏSLİN NÜMAYƏNDƏLƏRİ ÜÇÜN BAYRAM SÜFRƏSİ AÇILMIŞDIR
AZƏRTAC xəbər verir ki, Lənkəran şəhərində ahıl, kimsəsiz və tənha qocalar üçün bayram süfrəsi açılmışdır.
Rayon icra hakimiyyəti başçısının müavini İlkin Rəhimov 300 nəfərə yaxın yaşlı nəslin nümayəndəsini Ramazan bayramı münasibətilə təbrik etmiş, ölkəmizdə kimsəsiz və tənha qocalara göstərilən dövlət qayğısından danışmışdır. Rayonda bu kateqoriyalı insanlara həmişə böyük hörmət və məhəbbət göstərildiyi diqqətə çatdırılmışdır.
Əmək və Əhalinin Sosial Müdafiəsi Nazirliyi tərəfindən iki nəfərə əlil arabası, rayonun 110 yaşlı sakini Xeyriyyə Abdullayevaya rəngli televizor, dindarlara müqəddəs «Qurani-Kərim» hədiyyə olunmuşdur.
Sonda rayonun musiqi kollektivləri konsert proqramı ilə çıxış etmişlər.
