Litva Belarusun Atom Elektrik Stansiyasını ölkəsi üçün ekoloji təhlükə hesab edir
Vilnüs, 6 mart, AZƏRTAC
Litvanın baş naziri Saulyus Skvernelis Belarusun “Ostroveskiy” Atom Elektrik Stansiyasının (AES) nüvə enerjisi ilə yox, təbii maye qazla işləməsini xahiş edib.
AZƏRTAC xəbər verir ki, AES hər iki ölkənin sərhədində yerləşir və Rusiya şirkəti olan “Atomstroyeksport” tərəfindən 10 milyard dollar vəsaitlə inşa olunur. 1,2 kilovatlıq gücü olan ilk reaktor bu il fəaliyyətə başlayacaq.
Litva hökuməti iddia edir ki, stansiya beynəlxalq standartlara cavab vermədən inşa olunub və ölkə üçün ekoloji təhlükə kəsb edir. Belarus isə bu iddianı rədd edib. S.Skvernelis jurnalistlərə açıqlamasında bildirib ki, stansiyanın fəaliyyətinin 60 faizi təbii qazla təmin oluna bilər, bu da öz növbəsində təhlükəsizdir.
Litva Klaypedadakı təbii maye qaz terminalının işinin genişləndirilməsində maraqlıdır. Hazırda həmin terminal üzrə Polşa və Finlandiyaya xətlərin açılması planlaşdırılıb.
Aygün Əliyeva
AZƏRTAC-ın xüsusi müxbiri
Vilnüs
Bölmənin digər xəbərləri
