LONDONDA İKİNCİ DÜNYA MÜHARİBƏSİNDƏN QALMIŞ 60 BOMBA AŞKAR EDİLMİŞDİR

09.11.2006 [14:38]
Çap et
A⁺ A^-

AZƏRTAC xəbər verir ki, Britaniyanın “Sandi Tayms” qəzetinin yazdığına görə, Londonda tikiləcək Olimpiya obyektləri ərazisində İkinci dünya müharibəsindən qalmış təxminən 60 bomba yaxın günlərdə zərərsizləşdirilməlidir. Arxiv sənədlərinə və istehkamçı ekspertlərin məlumatına görə, azı 500 kiloqramlıq təxminən 60 bomba Olimpiya obyektlərinin tikiləcəyi ərazidə qalmışdır. Bundan əlavə, rayon dizel yanacağı, partlayış təhlükəli metan topaları ilə çirklənmiş, Böyük Britaniyada ən zəhlətökən alaq otu, hətta binaları dağıtmağa qadir yapon dağ bitkisi kolları ilə örtülmüşdür.

Londonda Olimpiya obyektlərinin tikintisinə nəzarət üçün dəvət olunmuş Amerika mühəndisi Cek Lemli də partlamamış bütün bombaları zərərsizləşdirməyin və əlavə xərclərin zəruri olduğu barədə xəbərdarlıq etmişdir.

Britaniya paytaxtında Olimpiya oyunları 2012-ci il iyulun 27-dən avqustun 12-dək keçiriləcəkdir. Obyektlərin tikintisi 2011-ci ilədək başa çatmalıdır.

Londonun şərqində tikinti işləri zamanı İkinci dünya müharibəsindən qalma bombalar dəfələrlə aşkar olunmuşdur. Sonuncu bomba bir neçə ay əvvəl Londonun Siti hava limanı yaxınlığında tapılmışdır.

LONDONDA İKİNCİ DÜNYA MÜHARİBƏSİNDƏN QALMIŞ 60 BOMBA AŞKAR EDİLMİŞDİR

MÜƏLLİFLƏ ƏLAQƏ

Bölmənin digər xəbərləri