Lüksemburq: İqtisadiyyatın dirçəlməsi üçün alıcılıq qabiliyyəti möhkəmləndirilməlidir
Lüksemburq, 10 iyun, AZƏRTAC
Əlavə dəyər vergisi (ƏDV) prioritet deyil. Lüksemburqun OGBL, LCGB və CGFP kimi üç böyük həmkarlar təşkilatı orta və aşağı təbəqə üçün vergilərin artırılmasını qəti şəkildə rədd edib.
Həmkarlar təşkilatlarına görə, iqtisadiyyatın dirçəldilməsi üçün alıcılıq qabiliyyəti möhkəmləndirilməlidir. Buna görə də ƏDV azaldılmalıdır.
AZƏRTAC xəbər verir ki, Lüksemburq Dövlət Xidməti Baş Konfederasiyasının prezidenti də bu fikri müdafiə edir.
Lüksemburqun Maliyyə naziri bildirib ki, vergilərin artırılması iqtisadiyyata digər mənfi təsirlər törədə bilər. “İqtisadiyyatın mühərrikinin yavaşımasına imkan verməməliyik”, - deyən Maliyyə naziri Pyer Qramenya hazırda bunun üçün münasib vaxtın olmadığını diqqətə çatdırıb.
O, Almaniyada qəbul edilmiş ƏDV-nin azaldılması tədbirinin prioritet olmadığını göstərib. “ƏDV-ni azaltmaq son qiymətin azalmasına təminat vermir”, - deyə nazir vurğulayıb.
Şəhla Ağalarova
AZƏRTAC-ın xüsusi müxbiri
Lüksemburq
Bölmənin digər xəbərləri
