Maarifləndirici seminar keçirilmişdir
Şamaxı, 8 noyabr (AZƏRTAC). Fövqəladə Hallar Nazirliyinin Şimal-Qərb Regional Mərkəzinin dəstəyi ilə Şamaxı rayonu Göylər kənd 2 nömrəli tam orta məktəbində “Zəlzələ və yanğın hadisələri zamanı məktəblərdə müəllim və şagird kollektivlərinin təxliyəsi, baş vermiş yanğının söndürülməsi və xəsarət alanların xilas edilməsi” mövzusunda maarifləndirici seminar keçirilmişdir.
AZƏRTAC xəbər verir ki, seminarda məktəbin müəllim və şagirdləri, FHN-nin monitorinq və xəbərdarlıq edilməsi idarəsinin rəisi, polkovnik-leytenant Məhbubə Mustafayeva, nazirliyin Şimal-Qərb Regional Mərkəzinin ərazi orqanları ilə iş şöbəsinin zabiti Rövşən Məmmədov, habelə Şamaxı Rayon Dövlət Yanğından Mühafizə hissəsinin, mərkəzi rayon xəstəxanasının təcili yardım xidmətinin əməkdaşları iştirak etmişlər.
Seminarda zəlzələ və yanğın hadisələri zamanı davranış qaydaları, adamların təxliyəsi, yanğınsondürmə vasitələrindən istifadə, yaralılara ilkin tibbi yardımın göstərilməsi və sair barədə geniş məlumat verilmiş, avadanlıqdan istifadə qaydaları ətraflı izah olunmuşdur.
Maarifləndirici seminarda iştirakçıları maraqlandıran suallara izahatlar verilmişdir.
Bölmənin digər xəbərləri
