Mağazalardan noutbuklar oğurlamaqda şübhəli bilinən şəxs tutulub
Bakı, 25 yanvar, AZƏRTAC
Yanvarın 19-da 28 May küçəsindəki mağazaların birindən noutbuk oğurlamaqda şübhəli bilinən Lənkəran şəhər sakini, əvvəllər məhkum olunmuş C.Kərimov Nəsimi Rayon Polis İdarəsinin 22-ci polis şöbəsi əməkdaşlarının keçirdikləri əməliyyat tədbirləri nəticəsində saxlanılıb. Onunla bağlı aparılmış tədbirlərlə həmin şəxsin daha bir mağazadan noutbuk oğurlaması müəyyənləşdirilib.
Daxili İşlər Nazirliyinin mətbuat xidmətindən AZƏRTAC-a bildiriblər ki, paytaxt sakini E.Sadıqovun 1000 manat pulunu oğurlamaqda şübhəli bilinən Mingəçevir sakini E.İsmayılov Binəqədi Rayon Polis İdarəsinin 40-cı polis bölməsinin əməkdaşları tərəfindən tutulub.
Bakı şəhər sakini R.Hüseynovun pulunu quldurluq yolu ilə almaqda şübhəli bilinən paytaxt sakini D.Rüstəmzadəni isə Suraxanı Rayon Polis İdarəsinin 33-cü polis bölməsinin əməkdaşları yaxalayıblar.
Faktlarla bağlı araşdırmalar davam edir.
Bölmənin digər xəbərləri
