Magistraturaya jurnalistika üzrə qəbul olmaq istəyənlərin qeydiyyatı davam edir
Bakı, 27 may, AZƏRTAC
Jurnalistika ixtisaslaşmaları üzrə magistratura səviyyəsinə qəbul olmaq istəyən bakalavrların qeydiyyat müddəti mayın 30-u saat 23:59-dək uzadılıb.
Dövlət İmtahan Mərkəzindən (DİM) AZƏRTAC-a bildirilib ki, bakalavrlar DİM-in internet saytının müvafiq səhifəsində sorğu anketini doldurmaqla qeydiyyatdan keçməlidirlər.
Bədən Tərbiyəsi və İdman Akademiyasının tədrisi ingilis dilində olan idman jurnalistikası ixtisasını seçmək istəyənlərin minimum 50 bal toplamaqdan əlavə, ingilis dili fənni üzrə nəticələri 20 baldan az olmamalıdır. Bu bakalavrlar qeydiyyat zamanı idman jurnalistikası (tədris ingilis dilində) ixtisasını seçmək istədiklərini bildirməlidirlər.
Qeyd edək ki, cari ildə ali təhsil müəssisələrinin magistratura səviyyəsinə qəbul imtahanında 50 və daha çox bal toplayaraq müsabiqə şərtlərini ödəyən və ixtisaslaşma seçiminə buraxılan bütün iştirakçılar bitirdikləri bakalavr ixtisaslarından asılı olmayaraq, jurnalistika ixtisası üzrə magistratura ixtisaslaşmalarına qəbul olmaq üçün müraciət edə bilərlər.
Daha ətraflı məlumat DİM-in saytında yerləşdirilib.
Bölmənin digər xəbərləri
