«MAKKABİ-AZƏRBAYCAN” MƏDƏNİ-İDMAN BİRLİYİ MÜXTƏLİF YARIŞLAR TƏŞKİL EDİR
AZƏRTAC xəbər verir ki, Bakıda «Makkabi-Azərbaycan” Mədəni-İdman Birliyinin təşkilatçılığı ilə beynəlxalq şahmat turniri keçirilir.
AZƏRTAC-ın müxbirinə müsahibəsində birliyin baş direktoru, Azərbaycanın əməkdar məşqçisi, FİDE ustası Qennadiy Qelman demişdir ki, 2000-ci ildən fəaliyyət göstərən birliyin tərkibində şahmat, cüdo, basketbol və tennis bölmələri var. “Makkabi - Azərbaycan”ın komandaları müxtəlif beynəlxalq, həmçinin respublika yarışlarında fəal iştirak edir. Belə ki, 2007-ci ildə Romada keçirilmiş 12-ci Makkabi Avropa oyunlarında iştirak etmiş komandamız şahmat üzrə 2 gümüş, cüdo üzrə isə 1 bürünc medal qazanmışlar.
Bakıdakı şahmat turnirindən danışan «Makkabi-Azərbaycan” birliyinin baş direktoru demişdir ki, yarışda 44 şahmatçı gücünü sınayır, onların arasında Azərbaycanın tanınmış şahmat ustaları dəfələrlə respublika çempionu olmuş Elmira Əliyeva, Oleq Pavlenko, İsraildən beynəlxalq usta Or Koşa da var.
Gələcək planlar haqqında danışan Qennadiy Qelman dedı ki, iki şahmatçı və iki tennisçidən ibarət Azərbaycan yığması mayda Bolqarıstana səfər edəcəkdir. Bu ilin oktyabrında isə “HP” şirkətinin sponsorluğu ilə Bakıda 12 yaşadək uşaqlar arasında beynəlxalq şahmat turnirinin keçirilməsi nəzərdə tutulur.
Bölmənin digər xəbərləri
