DÜNYA
Malayziya hökuməti hərəkət məhdudiyyətinə nəzarət müddətini daha bir ay uzadıb
![Malayziya hökuməti hərəkət məhdudiyyətinə nəzarət müddətini daha bir ay uzadıb](/files/2020/2/1200x630/15891723352551317568_1200x630.jpg)
Tokio,11 may, AZƏRTAC
Malayziya hökuməti koronavirus pandemiyası ilə əlaqədar hərəkət məhdudiyyətinə nəzarət müddətinin daha bir ay uzadılması barədə qərar qəbul edib.
AZƏRTAC “New Straits Times” nəşrinə istinadla xəbər verir ki, Baş Nazir Muhiddin Yassinin bəyanatına əsasən hərəkət məhdudiyyətinə nəzarət iyunun 9-dək uzadılıb.
Baş Nazirin bəyanatından sitat gətirən nəşr yazır: “COVID-19 pandemiyası ilə mübarizədə ümidverici irəliləyişə nail olmağımıza baxmayaraq, onun yayılmasının qarşısını almaq üçün bəzi tədbirlərin hələ qüvvədə saxlanılması zəruridir”.
Xatırladaq ki, Malayziyada vətəndaşların ölkə daxilində hərəkətini qadağan edən məhdudiyyətlər əvvəlcə martın 18-dən 31-dək qəbul edilib. Bundan sonra hökumət üç dəfə onun müddətini artırıb - əvvəlcə aprelin 14-dək, sonra aprelin 28-dək və nəhayət mayın 12-dək. Aprelin sonlarında hökumət bəzi məhdudiyyət tədbirlərini qismən yumşaldıb.
Bundan əlavə, mayın 4-dən Malayziya iqtisadiyyatının demək olar ki, bütün sahələri fəaliyyətini bərpa edib.
Bununla yanaşı, kütləvi tədbirlərin təşkilinə qadağa aradan qaldırılmayıb, bütün ölkə ərazisində məktəblər bağlıdır.
Son məlumatlara əsasən, Malayziyada 6589 koronavirusa yoluxma halı qeydə alınıb. Ümumilikdə 492 nəfərin sağaldığı, 108 nəfərin isə öldüyü bildirilir.
Vüqar Ağayev
AZƏRTAC-ın xüsusi müxbiri
Tokio