Maliyyə Bazarlarına Nəzarət Palatası Avropa Yenidənqurma və İnkişaf Bankı ilə birgə seminar keçirib
Bakı, 22 may, AZƏRTAC
Maliyyə Bazarlarına Nəzarət Palatasının (Palata) dəstəyi ilə Avropa Yenidənqurma və İnkişaf Bankı tərəfindən kommersiya bankları üçün seminar təşkil edilib.
Palatadan AZƏRTAC-a bildirilib ki, tədbirdə cinayət yolu ilə əldə olunmuş pul vəsaitlərinin və ya digər əmlakın qeyri-qanuni leqallaşdırılması və terrorçuluğun maliyyələşdirilməsinə qarşı mübarizə (PL/TMM), həmçinin beynəlxalq sanksiya rejimləri çərçivəsində risklərin idarə edilməsi mövzuları üzrə məlumat təqdim edilib. Seminarda bankların rəhbər şəxsləri və aidiyyəti sahələr üzrə məsul şəxslər iştirak edib.
Tədbir zamanı beynəlxalq ekspertlər Devid Artingstoll və Yevgeniya Bolyasna, həmçinin palatanın nümayəndələri tərəfindən sadalanan mövzular üzrə təqdimatlar nümayiş etdirilib və müxtəlif praktiki məşqlər, eləcə də qrup çalışmaları təşkil edilib.
Seminarın sonunda iştirakçıları maraqlandıran suallar cavablandırılıb və beynəlxalq təcrübəyə dair məlumat verilib.
Bölmənin digər xəbərləri
