Malta tennis turnirinə ev sahibliyi edəcək
Valletta, 16 iyul, AZƏRTAC
Malta uşaqlar arasında keçiriləcək tennis turnirinə ev sahibliyi edəcək.
AZƏRTAC ölkə mətbuatına istinadla xəbər verir ki, turnirdə 35 ölkədən 200 tennisçinin iştirakı gözlənilir.
Ölkənin “Asciak” tennis akademiyasının təşkilatçılığı ilə bu ayın sonunda reallaşacaq “TEN-PRO Global Junior Tour” Malta Kuboku turniri iyulun 27-dən avqustun 1-dək davam edəcək.
Beynəlxalq turnirdə 10 yaşdan 16 yaşadək olan tennisçilər iştirak edəcək.
Asiman Əsədov
AZƏRTAC-ın xüsusi müxbiri
Valletta
Bölmənin digər xəbərləri
