“Mançester Yunayted” klubu Raşfordun maaşını artıracaq
Bakı, 18 yanvar, AZƏRTAC
İngiltərənin “Mançester Yunayted” futbol klubu hücumçu Markus Raşfordla müqaviləni uzatmaq niyyətindədir.
AZƏRTAC xarici KİV-lərə istinadla xəbər verir ki, yeni bağlanacaq müqaviləyə görə, “Mançester Yunayted” klubu 21 yaşlı müdafiəçiyə ikiqat maaş verəcək. Hazırda Raşford həftəyə 75 min funt sterlinq qazanır.
Hücumçu karyerasında ilk debütünü “Mançester Yunayted” klubunda edib. Cari mövsümdə Raşford klubda keçirdiyi 26 oyunun 8-də fərqlənməyi bacarıb. O İngiltərə millisində 31 oyun keçirib və 6 qol vurub.
Xatırladaq ki, 21 yaşlı hücumçu ilə İspaniyanın “Barselona” və “Real” klubları maraqlanır.
Bölmənin digər xəbərləri
