“MARAQ VƏ MƏNTİQ” VERİLİŞİNİN 5 İLLİYİ MÜNASİBƏTİLƏ KONFRANS KEÇİRİLMİŞDİR
AZƏRTAC-ın müxbiri xəbər verir ki, Bakı İncəsənət Gimnaziyasında keçirilən konfransda Azərbaycan televiziyasının “Səhər” musiqili-informasiya proqramının tərkibində “Maraq və məntiq” verilişinin aparıcıları - fizika-riyaziyyat elmləri doktoru, professor Məlik-Baxış Babayev və əməkdar rəssam Ənvər Qarayev, Rəssamlar İttifaqının katibi, əməkdar incəsənət xadimi Ağəli İbrahimov, 147 nömrəli texniki-humanitar litseyin direktoru Həlimə Mehdiyeva və başqaları çıxış edərək, insanların əqli və məntiqi düşüncə qabiliyyətinin inkişafında mühüm rol oynayan, yeni təlim metodu kimi meydana gəlmiş bu televiziya verilişinin əhəmiyyətindən söz açmışlar.
Konfransda 5 il müddətində “Maraq və məntiq” verilişinin respublikanın şəhər və kəndlərindən minlərlə tamaşaçı məktubunun gəlməsi, indiyədək getmiş 256 verilişin hər birinin böyük maraqla qarşılanması təqdirəlayiq hal kimi vurğulanmışdır.
Verilişin qaliblərinə və fəal iştirakçılarına diplomlar təqdim olunmuşdur.
Bölmənin digər xəbərləri
