Marselo artıq çəkiyə görə “Sevilya” ilə oyunda ehtiyat heyətdə yer alıb
Bakı, 21 yanvar, AZƏRTAC
İspaniyanın “Real Madrid” komandasının 42 yaşlı argentinalı baş məşqçisi Santyaqo Solari braziliyalı müdafiəçi Marselonu əsas heyətdən kənarlaşdırıb.
AZƏRTAC “Onda Cero” saytına istinadla xəbər verir ki, buna səbəb 31 yaşlı müdafiəçinin 6 kiloqram artıq çəkiyə malik olmasıdır. Belə ki, futbolçu La Liqanın 20-ci turunda “Sevilya” ilə görüşdə ehtiyat heyətdə yer alıb.
Marselo cari mövsümdə meydana çıxdığı 16 oyunda 3 qol vurub və 2 məhsuldar ötürmə edib.
“Real Madrid” hazırda turnir cədvəlində 36 xalla 3-cü pillədə qərarlaşıb. Paytaxt təmsilçisi lider “Barselona”dan 10 xal geridədir.
Bölmənin digər xəbərləri
