MASALLI ŞAHMATÇISI ŞÜCAƏT ORUCOV BEYNƏLXALQ FESTİVALIN QALİBİ OLMUŞDUR
Bakı, 21 oktyabr (AZƏRTAC). Gəncə Şəhər Uşaq Gənclər İxtisaslaşdırılmış Olimpiya Ehtiyatları Şahmat Dama Məktəbinin fəaliyyətinin 30 illik yubileyi münasibəti ilə Gəncədə "Uşaq ili - 2009" Birinci Beynəlxalq Şahmat festivalı başa çatmışdır. Böyük Britaniya və Türkiyədən, habelə Azərbaycanın 19 şəhər və rayonundan 106 şahmatçının mübarizə apardığı 9 turdan ibarət turnir İsveçrə sistemi üzrə keçirilmişdir.
Gəncə Olimpiya İdman Kompleksində keçirilən yarışa beynəlxalq dərəcəli hakim İkram Xəlilov baş hakimlik etmişdir. Masallı şahmatçısı Şücaət Orucov 8 xalla turnirin qalibi olmuşdur. Eyni miqdarda - 7,5 xal toplamış şahmatçılar Anar Əliəkbərov (Bakı) ikinci, Nuri Murad (Sumqayıt) isə üçüncü yerləri tutmuşlar.
Qeyd edək ki, turnirin ümumi mükafat fondu 2 min manat olmuşdur.
Bölmənin digər xəbərləri
