Masallı, 7 noyabr (AZƏRTAC). Masallı şəhərindəki Gənclər Mərkəzində 9 Noyabr - Bayraq Gününə həsr olunmuş tir atıcılığı üzrə turnir keçirilmişdir.

AZƏRTAC xəbər verir ki, yeniyetmə və gənclərin hərbi-vətənpərvərlik tərbiyəsi işini gücləndirmək, ümumtəhsil məktəblərində gənclərin çağırışaqədərki hazırlığını gücləndirmək, məktəblilərə təlim silahlarından istifadə vərdişlərini aşılamaq və orduya hazırlamaq məqsədi ilə rayonun orta ümumtəhsil məktəblərinin IX-XI sinif şagirdləri arasında keçirilən idman yarışmasında 43 təhsil ocağının 172 nəfər şagirdi iştirak etmişdir.

İki gün davam edən rayon turnirinin qaliblərinə diplomlar və qiymətli hədiyyələr təqdim edilmişdir.