MASALLIDA HİNDİSTAN TƏRƏVƏZİ BECƏRİLİR

01.05.2004 [11:02]
Çap et
A⁺ A^-

Masallı rayonunda yeni yaradılmış ”Aqrotex” şirkəti hindistanlı iş adamları ilə bağladığı müqaviləyə əsasən, becərəcəyi bütün tərəvəz növlərinin toxumlarını onlardan almışdır.

Kənd Təsərrüfatı Nazirliyindən AZƏRTAC-ın müxbirinə bildirmişlər ki, artıq 200 hektar sahədə toxum səpilmişdir. Gətirilən toxumlar yüksək məhsuldarlığa malikdir. Şirkət torpaq sahibləri ilə icarə haqqını əvvəlcədən ödəməklə müqavilələr bağlamış və onları da istehsala cəlb etmişdir. Hindistanlı iş adamları yetişdiriləcək tərəvəzi yerindəcə emal etmək üçün 6 milyon ABŞ dolları dəyərində müasir tipli emal müəssisəsinin yaradılmasını nəzərdə tutmuşlar.

Salınan şitillik sahələrində hələlik 82 nəfər işləyir. Şirkət rəhbərliyi bu rəqəmi 1000-ə çatdırmağı planlaşdırır.