MASALLIDA QADINLARIN ÜÇÜNCÜ KONFRANSI KEÇİRİLMİŞDİR
AZƏRTAC-ın müxbiri xəbər verir ki, Masallı Rayon İcra Hakimiyyətinin akt zalında rayon qadınlarının üçüncü konfransı keçirilmişdir.
Ailə, Qadın və Uşaq Problemləri üzrə Dövlət Komitəsinin təşkilatçılığı ilə keçirilən və Azərbaycan qadınlarının üçüncü qurultayına hazırlıq məqsədi güdən toplantıda rayon icra hakimiyyəti aparatının məsul işçisi, komitənin gender problemləri üzrə rayon təmsilçisi Naibə Aslanovanın hesabat məruzəsi dinlənilmişdir.
Yığıncaqda çıxış edənlər rayon qadınlarının ikinci konfransından ötən müddər ərzində görülmüş işlərlə yanaşı, yol verilmiş nöqsanlar və mövcud problemlərlə bağlı təkliflərini bildirmiş, bu ilin payızında keçiriləcək prezident seçkilərində Masallı qadınlarının İlham Əliyevə səs verəcəklərini vurğulamışlar.
Konfransda təşkilati məsələlərə baxılmış, Azərbaycan qadınlarının üçüncü qurultayına nümayəndələr seçilmişdir.
Toplantıda Ailə, Qadın və Uşaq Problemləri üzrə Dövlət Komitəsinin sədr müavini Aynur Sofiyeva iştirak etmişdir.
Bölmənin digər xəbərləri
