“Maya” filmi ASAN könüllüləri üçün təqdim edilib
Bakı, 28 fevral, AZƏRTAC
“ASAN Könüllüləri” Təşkilatının “Mədəniyyət Carçısı” proqramı çərçivəsində Xocalı soyqırımının 31-ci ildönümü ilə əlaqədar ASAN könüllüləri üçün “Maya” filminin təqdimatı keçirilib.
AZƏRTAC xəbər verir ki, ssenari müəllifi və rejissoru Xəyal Rzaya aid olan filmdə Birinci və İkinci Qarabağ müharibəsinin təsiri altında qalan Azərbaycan qadınının həyatından bəhs edilir.
Bundan əvvəl Nizami Kino Mərkəzində “Maya” filminin təqdimatı keçirilib. Təqdimat mərasiminə tanınmış qələm adamları, kino sənətinin nümayəndələri iştirak ediblər.
Filmin operatoru Rafiq Əliyev, operator assistenti Kənan Fərzəliyev, montaj rejissoru Aydan Əhmədova, prodüseri Tahir Tahiroviç, bədii rəhbəri isə görkəmli kinorejissor, Xalq artisti Oktay Mir Qasımdır.
Bölmənin digər xəbərləri
