M.BİCİ-ULU: NƏ ÜÇÜN ÇİKATİLONU PRAVOSLAV ADAMYEYƏNİ ADLANDIRMIRLAR?

25.09.2004 [14:28]
Çap et
A⁺ A^-

AZƏRTAC Müstəqil İslam İnformasiya Agentliyinə istinadla xəbər verir ki, Rusiyanın Avropa hissəsinin Müsəlmanları Ruhani İdarəsi sədrinin müavini Məhəmməd Bici-ulu hesab edir ki, təqsirləri sübuta yetirilmiş terrorçulara ölüm cəzası tətbiq olunmalıdır. “Şəriət quldurlara aman verməməyi tələb edir, terror aktlarında iştirak etdiklərinə görə onlara ölüm cəzası verilməlidir”. M.Bici-ulu bunu sentyabrın 24-də Dövlət Dumasında antiterror qanunvericiliyinin təkmilləşdirilməsi məsələlərinin müzakirəsinə həsr olunmuş “dəyirmi masa” iclasında açıqlamışdır.

M.Bici-ulu həmçinin terrorçuların İslam adından çıxış etdiyini fikrini “savadsızlıqları ucbatından” cəmiyyətə zorla sırıdıqları üçün jurnalistləri qınayaraq dimişdir: “Dini terrorizm yoxdur, axı, Çikatilonu da heç kəs pravoslav adamyeyəni adlandırmır”. O vurğulamışdır ki, “şəhid” sözü müsəlmanlar üçün müqəddəsdir və “şəhidliyə” qatillər deyil, yalnız qurbanlar layiq ola bilər”. Din xadimi demişdir ki, “islam dünyasında Rusiya əleyhinə heç bir münasibət mövcud deyildir və o, vahid, güclü Rusiyanın qorunmasında maraqlıdır”.

M.BİCİ-ULU: NƏ ÜÇÜN ÇİKATİLONU PRAVOSLAV ADAMYEYƏNİ ADLANDIRMIRLAR?

MÜƏLLİFLƏ ƏLAQƏ

Bölmənin digər xəbərləri