MƏHKƏMƏ QƏRARLARININ İCRASI SAHƏSİNDƏ ARDICIL TƏDBİRLƏR GÖRÜLÜR
Ədliyyə Nazirliyinin mətbuat ximətindən AZƏRTAC-a bildirmişlər ki, ilin əvvəlindən məhkəmə qərarlarının vaxtında və düzgün icrasının yaxşılaşdırılması sahəsində ardıcıl tədbirlər görülmüşdür. Nəzarətin gücləndirilməsi və təhlillərin yaxşılaşdırılması məqsədi ilə müvafiq hesabat formaları təkmilləşdirilmiş, məhkəmə qərarlarının icrası ilə bağlı təkrar şikayətlərə və onları doğuran səbəblərə xüsusi diqqət yetirilmiş, nöqsanlara yol vermiş əməkdaşlar ciddi intizam məsuliyyətinə cəlb olunmuşlar.
Birinci yarımildə 20 min 382 sənəd icra olunmuşdur.
Xatırladaq ki, 2006-cı ilin 6 ayı ərzində nazirliyin İstintaq idarəsinin icraatında 87 cinayət işi olmuşdur. Məhkəmə qərarlarının icra edilməməsi və digər cinayətlər üzrə həmin işlərdən 70-nin istintaqı tamamlanmış, zərərçəkmiş şəxslərin hüquqları bərpa edilərək 12 cinayət işinin icraatına xitam verilmişdir.
