Məişət əşyaları oğurlamaqda şübhəli bilinən Kürdəmir şəhər sakinləri tutulublar
Bakı, 13 iyul, AZƏRTAC
Oğurluqda şübhəli bilinən Kürdəmir şəhər sakinləri tutulublar.
Daxili İşlər Nazirliyinin mətbuat xidmətindən AZƏRTAC-a bildiriblər ki, Kürdəmir rayonu ərazisindəki evlərin birindən 3800 manat, 700 ABŞ dolları, 6 xalça, 3 televizor və digər məişət əşyaları oğurlamaqda şübhəli bilinən şəxslər polis əməkdaşlarının keçirdikləri əməliyyat-axtarış tədbirləri nəticəsində saxlanılıblar. Araşdırmalarla onların Kürdəmir şəhər sakinləri, əvvəllər məhkum edilmiş Ş.Şıxalıyev və R.Qədirov olduqları müəyyənləşdirilib.
Faktla bağlı araşdırma aparılır.
Bölmənin digər xəbərləri
