Meksikada 6,6 bal gücündə zəlzələ baş verib
Vaşinqton, 2 fevral, AZƏRTAC
Cümə günü Meksikanın cənubunda baş vermiş güclü zəlzələ yaşayış məntəqələrində təşvişə səbəb olub.
AZƏRTAC xəbər verir ki, Meksika hakimiyyət orqanlarının məlumatına görə, zəlzələ nəticəsində ciddi tələfat, insanların yaralanması və ölüm halları qeydə alınmayıb.
ABŞ Geoloji Xidmətinin məlumatına görə, yeraltı təkanların gücü Rixter cədvəli üzrə 6,6 bal olub. Zəlzələnin episentri Çyapas ştatındakı Tapaçula şəhərindən təqribən 16 kilometr məsafədə 68 kilometr dərinlikdə olub.
Yusif Babanlı
AZƏRTAC -ın xüsusi müxbiri
Vaşinqton
Bölmənin digər xəbərləri
