Meksikada mitinq zamanı səhnə dağılıb, azı doqquz nəfər ölüb
Bakı, 23 may, AZƏRTAC
Meksika prezidentliyinə namizəd Xorxe Maynesin yekunlaşmaqda olan seçki kampaniyası çərçivəsində keçirilən mitinq zamanı səhnənin dağılması nəticəsində azı doqquz nəfər ölüb, 60-dan çox insan isə yaralanıb.
AZƏRTAC “CBS news” saytına istinadla xəbər verir ki, hadisə Nuevo-Leon ştatının San-Pedro-Qarza-Qarsiya şəhərində baş verib. Güclü külək mitinqin sonunda Maynesin də olduğu səhnənin arxa hissəsini dağıdıb. Qopan metal konstruksiyalı nəhəng plakat səhnədə çıxış edənlərin başı üzərindən uçaraq tamaşaçıların üstünə düşüb.
Hadisə yerinə dərhal xilasedicilər gəlib. Maynesin yaxşı olduğu və xəsarət alanların şəhər xəstəxanalarında müalicə edildiyi bildirilir.
Bölmənin digər xəbərləri
