MEKSİKADA NADİR MƏZARLIQLAR TAPILMIŞDIR
Bunu noyabrın 9-da Serxio ştatında Milli Antropologiya və Tarix İnstitutunun nümayəndəsi Kamarena Vilyasenyor bildirmişdir.
Mexikoda mətbuat konfransında alimin dediyinə görə, məzarlıqları yol ustaları Tula-San-Markos federal şosesində tikilən qurğuların dayaqları üçün özül yerləri qazanda aşkar etmişlər.
Arxeoloqların fikrincə, məzarlıqlar müasir baxışlara müvafiq olaraq, eramızdan əvvəl 6-cı əsrdən eramızın 12-ci yüzilliyinin sonlarınadək mövcud olmuş Tolteklər dövlətinin hakimlərinə və ya nüfuzlu simalarına məxsusdur. Bu dövlətdən valehedici arxitektura abidələri, şəhər xarabalıqları və mədəniyyətin çox yüksək inkişaf səviyyəsinə dəlalət edən digər maddi sübutlar saxlamışdır.
Kamarena demişdir: “Biz tapılmış məzarlıqları və onlarla yanaşı aşkarlanmış rəngli freskalara malik divarın fraqmentini yalnız indi öyrənməyə başlayırıq. Lakin artıq indidən aydındır ki, bu tapıntı Toltek mədəniyyətinin tarixi haqqında bütün təsəvvürləri alt-üst edəcəkdir”.
Bölmənin digər xəbərləri
