Məktəblilər muzeydə yaradılan “Xocalı guşəsi” ilə tanış olublar
Gəncə, 23 fevral, AZƏRTAC
Xocalı faciəsinin 23-cü ildönümü ilə əlaqədar Gəncə tarix-diyarşünaslıq muzeyində yaradılan “Xocalı guşəsi”nin qarşısı hər gün məktəblilərlə dolu olur. Növbəti ekskursiya şəhərdəki 39 nömrəli orta məktəbin şagirdləri üçün təşkil edilib.
AZƏRTAC xəbər verir ki, məktəblilərə Xocalı soyqırımı barədə ətraflı məlumat verilib. Bildirilib ki, torpaq iddiası ilə işğalçılıq siyasəti yeridən ermənilər keçmiş sovet ordusunun köməyi ilə 1992-ci ilin fevral ayının 25-dən 26-na keçən gecə Azərbaycanın dilbər guşələrindən olan Xocalını yerlə-yeksan edib, 613 nəfəri qətlə yetirib, çoxlu sayda sakini girov götürüblər.
Sonra Xocalı faciəsini əks etdirən videoçarx nümayiş etdirilib.
Bölmənin digər xəbərləri
