MƏQSƏD AVROPA ÇEMPİONU OLMAQDIR
Bakı, 20 oktyabr (AZƏRTAC). Şahmat Federasiyasının prezidenti Elman Rüstəmov Serbiyaya, Avropa çempionatına yola düşən Azərbaycanın yığma komandasının üzvləri ilə görüşündə bildirmişdir ki, komanda üzvlərinin birliyi uğur qazanmağın əsas şərtlərindən biridir.
Şahmatçılarımızın 2007-ci ildə Avropa çempionatının bürünc mükafatçısı olduğunu xatırladan E.Rüstəmov onların bu çempionatda daha yüksək nəticələr qazanacağına əminliyini ifadə etmişdir. Serbiyada idmançılarımızı yeni sınaq gözlədiyini söyləyən federasiyanın rəhbəri vurğulamışdır ki, yığmanın qarşısında duran ali məqsəd Avropa çempionu olmaqdır.
Bölmənin digər xəbərləri
