Məşhur futbolçu Dieqo Maradona vəfat edib
Bakı, 25 noyabr, AZƏRTAC
Argentina yığma komandasının keçmiş hücumçusu və məşqçisi, dünya şöhrətli futbolçu Dieqo Armando Maradona vəfat edib.
AZƏRTAC Clarin nəşrinə istinadla xəbər verir ki, 60 yaşlı Maradonanın ürəyi bu gün dayanıb.
Nəşrin məlumatına görə, noyabrın 2-də veteran futbolçu La-Plata şəhərində xəstəxanaya yerləşdirilmişdi. Həkiminin dediyinə görə, argentinalı öz istəyi ilə tibbi müayinədən keçirilmiş, onda subdural hematoma xəstəliyi aşkarlanmışdı. Bundan sonra Maradonanın üzərində uğurlu cərrahiyyə əməliyyatı aparılmış, noyabrın 12-də o, xəstəxanada evə buraxılmışdı.
Bölmənin digər xəbərləri
