MƏTBUAT ŞURASI İDARƏ HEYƏTİNİN YENİ TƏRKİBDƏ İLK İCLASI OLMUŞDUR
AZƏRTAC xəbər verir ki, iyulun 11-də Azərbaycan Mətbuat Şurası idarə heyətinin yeni tərkibdə ilk iclası keçirilmişdir. İclasda şuranın rəhbər orqanlarının tərkibi müəyyənləşdirilmişdir.
İdarə heyətinin üzvləri Umud Rəhimoğlu və Müşfiq Ələsgərli şura sədrinin müavinləri seçilmişlər.
Sonra şuranın şikayətlər üzrə komissiyasının tərkibi təsdiq edilmişdir. İdarə heyətinin bütün üzvlərinin bu komissiyada növbəlilik əsasında təmsil olunması barədə qərar qəbul edilmişdir. İclasda şuranın digər komissiyalarının tərkibi də müəyyənləşdirilmişdir.
Mətbuat Şurasının sədri Ə.Amaşov bildirmişdir ki, şura jurnalistlərin peşə bayramı münasibətilə qəbul təşkil edəcəkdir. Qəbula aparıcı KİV-lərin rəhbərləri, dövlət və hökumət qurumlarının nümayəndələri, xarici ölkələrin Azərbaycandakı səfirliklərinin və beynəlxalq təşkilatların təmsilçiləri dəvət olunacaqlar.
Bölmənin digər xəbərləri
